تراث ليبيا

أنت الأن غير مسجل
للتمتع بمزايا أكثر , كن إيجابياً وقم بالتسجيل

    لوكان الكساد رجلاً لقتلته

    شاطر
    avatar
    عاشق ليبيا
    الادارة
    الادارة

    عدد المشاركة : 84
    تاريخ التسجيل : 26/06/2009
    العمر : 29

    لوكان الكساد رجلاً لقتلته

    مُساهمة من طرف عاشق ليبيا في الأربعاء أغسطس 19, 2009 9:15 pm

    سلام عليكم

    × وي اكسيدو ×

    لوكان الكساد رجلاً لقتلته


    الكساد : هو فترة من الزمان تقضيها وأنت مضايق ومش عارف شني وكان درت مش عارف علاش درت المهم جو فدد وخالى المرح

    بلد الصنع والانتاج : ليبيــــــــــــــــــــــا فهو يتوفر في ليبيا بالنسبة 90 % من وقت الشعب الليبي ولهذا تعد ليبيا من أفضل الدول أنتاجاً للكساد نوعاً وكماً.

    الجو المناسب لأنتاج الكساد : هو جو غبرة معبئ بالرمال والرياح السخونة وعكسة في الانقولي معبية وجوه كريهة مع تكسير رأس
    ونفخ دماغ من قبل المحيطين بيك .

    كيفية القضاء علي الكساد : للقضاء على الكساد يجب على كل مواطن أن يتمشى على الكورنيش وتكون جنبه واحده حلوة عمرها
    80 سنة (لازم تكون تمنين سنة علاش؟ لأنه قبل تمنين سنة ماكنش فيه كساد في ليبيا) وتأكلو في جيلاطى هو بشكولاته وهي بالفراولة ومرة مرة يشدو في أيدين بعضهم ومرة يضحكلها ومرة تضحكله وطيح سن من فمها عادي المهم الفكرة مش مهم السن ودروة تقعمز و في مقهى وتلقوهم فاتحين أغنية عبد الحليم سووووووواح وبعدين اتقولك أنحبك ياويسو وتقولها أنحبك ياحاجة أمني
    ووووووووووك مشاعر واحسايس راقية

    جو من الأخير وفي نهاية اليوم أتروح تضربك سيارة ومايصيرلك شي وانت تتكمد في ليل تتذكر اليوم الرومانسي الي عيشته
    وترقد وأنت جوك فوق ريح

    شني الجو ؟ أهو كساد وماشية الأمور

    شني جو القراية ؟ كساد

    شني جو الخدمة؟ ماشية وكساد

    أكيد ماشية أملاه بتوقف أيه المهم كساد

    واااااااااااااااااااااااااااككككككككككككككككككك كساااااااااااااااااااااااااااد
    شني بندير بس

    انشاء الله عجبكم الموضوع الكساد

    تحياتي


    _________________


    avatar
    بلسم
    الادارة
    الادارة

    عدد المشاركة : 58
    تاريخ التسجيل : 20/11/2009
    العمر : 21
    المزاج : ميه ميه

    رد: لوكان الكساد رجلاً لقتلته

    مُساهمة من طرف بلسم في السبت نوفمبر 21, 2009 1:25 pm


    في النهاية كساد والمكان مكسد واني مكسده والكل مكسد قاعدين في الكساد وبنقعدو فيه المهم ردي مكسد ومشكور علي الموضوع الحلو ومكسداهم حاجه مكسد


    _________________


      الوقت/التاريخ الآن هو الإثنين أبريل 24, 2017 5:16 am