غناوى علم على البكا

لوكان البكـــا جيــــــاب ... راه عزيز يا عيــــــن جايلك

***
لنضار ما عليهـــن لوم ... اقلال عزم يا بال رايفـــــــن

***
لوكان ما اخلق شى دمع ... بعد عزيز راكى ايش دايره

***
تنقيط ما ابكا مليــــــوع ... اقطع ابكاك يا عين اسكتى

***
حتى لو بكيت انريــــض ... انت ايش يالك مالغنـــــى

***
بكيت يا قديم عليــــــك ... بكيت اسنين لا يوم اولا شهر

***
بكيت يا عزيز عليــــــك ... رقيت عزم قسمى قيسنى

***
اللى دلوك ايــــــــــام ... عليهم ابكى نيـــن تنعمى

***
الناهى انهال امعـــــى ... القى وجيعتى مى ساهله

***
الخاطم ابكاك اشغلـه ... انهال ما رجا نين ينشــدك

***
ابكاك فى الخلا و الدوج ... تهوين مايبريلك وجــــــع

***
نطريلك اللى غيـــــاب ... وانتى عليك يا عين البكــــا

***
ما اسمعك لا امخلوق ... حيلاً ابكاك يا عين فالخلا

***
انكانك اتريدى لجــــــر ... قولى قديم و ابكيلى اشوى

***
امعى يا ارقاق العـــزم ... يقسم قديم قولن يالله

***
انظر العين ترجا فيش .... تعاقب الليل او ما بكت

***
الدار او عزيــــــــز او نا ... اجرك عظيم يا باكيلهن

***
اللى افزعه غير ادموع ... مالفايظ انجينى انسلفه

***

اطريها عزيز اهذلـــــت ... الها زمان عينى ما بكت